Одржана регионална работилница „Обезбедување квалитет за организација на учење преку работа“

Во периодот од 11-12 јуни 2023 година, во Призрен, беше одржана регионална работилница „Обезбедување квалитет за организација на учење преку работа „во рамките на проектот „Обезбедување квалитет за работа на координаторите во врска со компаниите“. 

Беа разменети добри практики меѓу директорите на училиштата, координаторите за учење преку работа и претставниците на бизнис секторот на земјите учеснички: Албанија, Косово и Македонија. сo акцент на тоа што функционира а што не во процесот на учење преку работа кај работодавач.

Предизвиците на процесот на реализација на УПР се приоритет во нашето училиште, се со цел јакнење на квалитетот и инструментите, за кои придонес на оваа конференција дадоа: Директорот м-р Тања Јовановска, координаторот за УПР м-р Сузана Станковска и претставникот на бизнис заедницата-специјалист за човечки ресурси г-ѓа Билјана Милошоска од реномираниот бизнис партнер на училиштето „Веро„, со кој соработкта и понтаму подолжува.

Информација за електронски упис на ученици во прва година во средно образование

Почитувани ученици, почитувани родители,

Со цел оптимизирање на целокупниот процес на уписи во средните училишта во Република Северна Македонија, Министерството за образование и наука и оваа година преку дигитална услуга ќе Ви овозможи електронско аплицирање кое нема да Ви одземе повеќе од 15 тина минути.

Пријавувањето на учениците ќе се врши преку линк до порталот за електронски услуги на Министерството за образование и наука https://e-uslugi.mon.gov.mk со специјална најава за средношколци преку сопствените кориснички сметки на schools.mk. Регистрација на системот нема да биде потребна и најавата ќе се врши исклучиво со корисничките на schools.mk.

Упатството за логирање/ најава во системот и пополнување на пријавата ќе биде поставено со линк на страната за логирање/најава. За првото пријавување на учениците во конкурсниот рок, Порталот ќе биде отворен од 10.06.2023 година во 10.00 часот.

Учениците ќе може да ги пополнуваат своите пријави (апликации) заклучно со 21.06.2023 година најдоцна до 15.00 часот, после што системот ќе биде затворен за онлајн аплицирање од ученици.

Во наведениот период додека системот за аплицирање е достапен за учениците, тие ќе можат да вршат ажурирање, измени и дополнувања на своите пријави и да имаат увид во вкупниот број на поени од успехот, без поените од дипломите.

Валидација на дипломите и внесување на поени од дипломите вршат комисиите од средните училишта. Прелиминарната ранг листа на запишани ученици се објавува на 22-ти јуни 2023 година на интернет страницата на Министерството за образование и наука www.mon.gov.mk, односно на https://e-uslugi.mon.gov.mk најдоцна до 09:00 часот.

Доставувањето на потребната документација до училиштата е на 22-ти јуни од 12.00 часот до 19.00 часот и на 23-ти јуни од 07.00 часот до 19.00 часот, согласно изготвен распоред од страна на училиштето.

Со почит
Министерство за образование и наука

 

Преземете го дописот од МОН

Организирана посета на партнер училиштето Леонардо Де Винчи од Вилфонтен, Франција

Во соработка со делегацијата на Академскиот реон Оверњна-Рона-Алпи во Франција, Aмбасадата на Република Франција и Францускиот институт во Скопје, како и Националната агенција за европски програми и мобилности на Република Северна Македонија , поддржано од градоначалникот на Град Скопје г-ѓа Данела Арсовска во период од 05.06 до 07.06.2023 год. беше четири француски средни училишта кои остварија соработка со училишта од нашата држава.

Нашето училиште Васил Антевски Дрен имаше чест и привилегија да биде дел од оваа соработка и да учествува на работните состаноци со своето партнер училиште Леонардо Де Винчи од Вилфонтен, Франција. Делегацијата имаше работни средби во нашето училиште со партнер училиштето како и со целокупната делегација во последниот билансен ден, се со цел да ги прецизираме точките на натамошна соработка.
Високата делегецаја оствари посета во Град Скопје на која директорот на училиштето Тања Јовановска ја промовирање иницијативата и значењето на посетата и соработката.

Потоа во Францускта резиденција на амбасадорот на Република Франција беше потпишан Меморандум за соработка помеѓу Амбасадорот на Република Франција неговата екселенција г-дин Сирил Бомгартнер и Министерот за образование и наука на РСМ г-дин Јетон Шаќири. На средбата се промовираше иницијативата за воспоставување партнерства за соработка и размена на наставен кадар, ученици и унапредување на педагошките практитки помеѓу македонските и француските средни училишта.

Нашето училиште продолжува посветено да работи на унапредување на францускиот јазик во насока на зголемување на компетенциите на учениците и наставниот кадар . Во развојната визија на нашето училиште оваа соарботка има висок приоритет кој ќе овозможи воведување на билингвална паралелка на францускиот јазик во иднина преку континуирана обука на наставниот кадар и поддршка од Град Скопје Францускиот институт, Амбасадата на Република Франција, МОН иност Националната агениција за европски програми и мобилност.

Натпревари по географија и музика

На ден 13.05.2023 година на Државен натпревар по географија во категорија Средни стручни училишта, учениците од нашето училиште СЕПУГС,,Васил Антевски Дрен,, Скопје под менторство на проф.Елизабета Брсакоска Георгиевска освоија :
  1. Ангела Трпеска I место
  2. Мила Ѓорѓиевска II место
  3. Надица Митева III местo
Честитки за постигнатиот успех на државниот натпревар

На ден 14.05.2023 година се одржа ДРЖАВЕН НАТПРЕВАР за средно образование, организиран од Здружението на музички педагози на Македонија.

Наш претставник беше Етно бендот составен од учениците: Јована Стојковска I-12, Јован Василевски III-1 и Иван Јанковски (I-2) под менторство на професорот Кристијан Стојановски. Учениците беа единствениот училишен бенд од Скопје кои успеаја да учествуваат на Државниот натпревар. Се претставија со две Македонски народни песни и се закитија со ПРВО МЕСТО.

,,Генералка викенд”

Почитувани организатори, Град Скопје, Пакомак, Пивара Скопје, МАМ, Нула отпад и Life Sparkasse.

Ви благодариме што нашето училиште беше дел од акцијата ,,Генералка викенд” и огромна благодарност до координаторот и нашите ученици кои беа дел од акцијата во СПУГС „Васил Антевски Дрен“ – Скопје. Заедно се грижиме за чиста и здрава средина со цел зголемување на општествената одговорност. ЗАЕДНО МОЖЕМЕ СЕ!

Наставници од СЕПУГС „Васил Антевски-Дрен“ го реализираат проектот на Еразмус+, Алатки за дигиталната училница

Во рамките на проектот Еразмус+ за средно образование група oд 9 наставници го реализира проектот насловен Алатки за дигиталната училница (Tools for the digital classroom). Наставниците од средното економско правно училиште на град Скопје „Васил Антевски -Дрен“ ја следеа обуката во центарот за едукативни проекти „Чекдев“ во Анталија, Турција.

Идејата за проектот произлезе од потребата на наставниците да се обучат да користат дигитални алатки (Web2.0) во наставниот процес. Појдовна точка за темата беше спроведената анкета на наставниците во СЕПУГС ,,Васил Антевски-Дрен” Скопје, од која се виде дека помалку од 20% од наставниците знаат да користат само неколку дигитални алатки. На прашањето од анкетата дали сметаат дека алатките ќе донесат поголема мотивација и активност на часовите, повеќе од 70% од наставници одговорија позитивно.

Обуката во Анталија се одвиваше седум дена во месец мај 2022 година. Во учебната година 2022-2023 обучените наставници спроведоа дисеминација на знаењето и на стекнатите вештини од обуката на своите колеги како и на колеги од други средни училишта. Научените дигитални алатки активно се користат во наставата по различни предмети, додека учениците лесно ги прифаќаат бидејќи им носат динамика на часовите, поголема активност, како и зголемена интеракција со професорите.

Интерен оглас за запишување на редовни ученици во I (прва) година за учебната 2023-2024 година

Интерен оглас за запишување на редовни ученици во I (прва) година во СЕПУГС „Васил Антевски-Дрен”- Скопје за учебната 2023-2024 година

Во Средното економско-правно училиште на Град Скопје „Васил Антевски-Дрен”- Скопје, во учебната 2023/2024 година во I (прва) година ќе се запиша 476 ученици во 14 паралелки со настава на македонски јазик според наставните планови и програми за: Економско-правна и трговска струка – 476 ученици, 14 паралелки.

  • ЕКОНОМСКИ ТЕХНИЧАР- 136 ученици во 4 паралелки со четиригодишно траење со минимум 60 поени, на македонски наставен јазик.
  • ПРАВЕН ТЕХНИЧАР- 238 ученици во 7 паралелки со четиригодишно траење со минимум 60 поени, на македонски наставен јазик.
  • ТЕХНИЧАР ЗА Е-ТРГОВИЈА И ДИГИТАЛЕН МАРКЕТИНГ-102 ученици во 3 паралелки со четиригодишно траење со минимум 60 поени, на македонски наставен јазик.

Преземете го конкурсот во PDF

Избор на најдобра ученичка копмпанија

СЕПУГС “Васил Антевски-Дрен” во организација на Џуниор Ачивмент за прв пат учествува на Национален натпревар за “Избор на најдобра ученичка копмпанија” и во конкуренција од 52 пријавени училишта, нашето го зазема високото III место!

Нашата училишната компанија МИДОРИ ја основаа и раководеа учениците Христијан Дебарлиев, Дамјан Ѓорѓиевски, Вања Чижбаноски, Ангела Бошковска и Елеонора Ачковска водени од менторот професор Радојка Хелман Денковска.

Учениците изработија Платформа (Апликација) за ВИРТУЕЛНА ПРАКСА во форма на видео игра која им овозможува на учениците да менаџираат сопствен бизнис преку реалистични симулации Истата содржи и едукативно катче за микротрансакции, финансирање и совети за бизнис концепти како криптовалутите.

На Националниот натпревар беа присутни и Џејмс Стајн, директор на УСАИД и Јетон Шаќири, Министер за образование и наука, кои беа воодушевени од нашиот проект и упатија многу пофални зборови.

ПРИКЛУЧИ СЕ НА ВИРТУЕЛНИОТ СВЕТ ДЕНЕС И СТАНИ УСПЕШЕН БИЗНИСМЕН УТРЕ!

Подготвени за новиот образовен профил Е-трговија и дигитален маркетинг!